Аляксей Аляксандравіч Мазоль

Аляксей Аляксандравіч Мазоль
Дата нараджэння	6 лютага 1949(1949-02-06)
Месца нараджэння	Кобрынскі раён, Брэсцкая вобласць, БССР, СССР
Дата смерці	2016
Грамадзянства	Беларусь
Альма-матар	Брэсцкі інжынерна-будаўнічы інстытут (1974)
Месца працы	Нарыльскпраект[d] Упраўленне па будаўніцтве і архітэктуры Брэсцкага аблвыканкама[d] БрДТУ Цветатрон[d]
Навуковае званне	Саветнік Беларускай акадэміі архітэктуры[d] саветнік Беларускага акадэмічнага цэнтра Міжнароднай акадэміі архітэктуры[d] дацэнт
Член у	Саюз архітэктараў СССР Беларускі саюз архітэктараў

Аляксей Аляксандравіч Мазоль (нар. 6 лютага 1949, в. Горы, Кобрынскі раён, Брэсцкая вобласць — 2016) — беларускі архітэктар. Саветнік Беларускай акадэміі архітэктуры, саветнік Беларускага акадэмічнага цэнтра Міжнароднай акадэміі архітэктуры. Дацэнт.

Біяграфія

Скончыў у 1974 годзе Брэсцкі інжынерна-будаўнічы інстытут. У 1974—1981 гадах галоўны архітэктар праектаў у інстытуце «Нарыльскпраект» у Нарыльску, філіяле інстытута «Дзіпранікель». У 1981—1986 гадах галоўны архітэктар г. Баранавічы. У 1986—1988 гадах працаваў ва Упраўленні па будаўніцтве і архітэктуры Брэсцкага аблвыканкама. У 1988—1994 гадах галоўны інжынер праектаў БІБІ. У 1994—2000 гадах намеснік дырэктара малочнага камбіната, у 2000—2003 гадах намеснік дырэктара завода «Цветатрон». У 2003—2005 гадах галоўны спецыяліст Брэсцкай абласной землеўпарадкавальнай і геадэзічнай службы. З 2005 года старэйшы выкладчык, дацэнт кафедры архітэктурнага праектавання і рысунку Брэсцкага дзяржаўнага тэхнічнага ўніверсітэта.

Член Саюза архітэктараў СССР з 1978 года, член Саюза архітэктараў Рэспублікі Беларусь.

Жыў Брэсце па вул. 4-ай Верасовай, 43. Памёр у 2016 годзе

Творчасць

Асноўныя праектныя працы: адміністрацыйна-бытавы корпус завода мінваты і мінералаватных вырабаў (1977); АБК хлоркава-кобальтавага завода; будынак базы гарналыжнікаў на Талнаху (1978); рудня вапнякоў пас. Каларгон; гараж на дзвесце аўтобусаў на Талнаху; адміністрацыйна-інжынерны цэнтр Надзеждзінскага металургічнага камбіната; будынак адміністрацыі шэфмантажу на Надзеждзінскім металургічным камбінаце (1980); корпус філіяла інстытута «Дзіпранікель» у горадзе Нарыльску (1981).

Аўтар больш як 20 надрукаваных прац.

Літаратура

• Мозоль Алексей Александрович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Мозоль Алексей Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)